Шаби 27 ноябри соли 2014, суиқасд ба ҷони Максуд Иброҳимов, раиси Созмони Ҷавонон барои эҳёи Тоҷикистон, сурат гирифт. Максуд Иброҳимов, ки узви Шӯрои роҳбарикунандаи Коалитсияи “Тоҷикистони Нав” буд, бо фаъолияти фаъолонаи сиёсӣ ва ташкили митингҳо дар Русия, ки бо ташаббуси худ ва бо иштироки муҳоҷирони тоҷик баргузор мешуданд, ба муқобили режими ҳукумати Тоҷикистон ва талаботи истеъфои президенти кишвар амал мекард. Ин амалҳо сабаб шуданд, ки ӯ ба рӯйхати сиёҳи ҳукумати худкома шомил гардад.
Бо вуҷуди амалиёти шадиди суиқасд, ки Максуд Иброҳимов беш аз як моҳ дар бемористон бистарӣ буд ва аз захмҳои ҷисмонӣ азоб мекашид, иродаи ӯ барои идомаи мубориза нашикаст ва роҳашро идома дод. Вале саволи аслӣ, ки то ҳол ҷавоб ёфта нашуд, ин аст, ки кӣ ба ҷони Максуд Иброҳимов дар Русия ҳамла кард ва чӣ гуна амалкунандагон шеносоӣ нашуданд. Гарчанде ки мақомоти Русия ва Тоҷикистон дар пайи воқеа буданд, барои муайян кардани шахсони масъул ва чӣ гуна рӯйдоди воқеъ шуда то ҳол маълумоти расмӣ ё ҷиддии таҳқиқот пайдо нагардидааст.
Нигоҳ накарда ба амалиёти суиқасд ва захми бадани ӯ, 20 январи соли 2015 Максуд Иброҳимов нопадид шуд ва пас аз чор рӯз маълум гардид, ки ӯ ба таври иҷборӣ ба Тоҷикистон бурда шудааст ва дар дасти Вазорати корҳои дохилии кишвар қарор дорад. Бояд таъкид кунем, ки чӣ гуна Русия, ки Максуд Иброҳимов шаҳрванди он кишвар буд, ӯро ба Тоҷикистон, ки бо ангезаҳои сиёсӣ таъқибаш мекард, таслим намуд. То имрӯз, касе ба таври расмӣ шарҳ надодааст, ки чӣ гуна Русия ба ҳукумати Тоҷикистон ҳамкори накарда ва ё ёдовар нашуд, ки ҳуқуқи шаҳрвандии ӯро бояд ҳимоя кунад. Ин рабудани сиёсӣ бо нақзи қонунҳои байналмилалӣ анҷом дода шуд. Баъдан, дар як муҳокимаи ноодилона, Максуд Иброҳимов бо айбҳои ангезаҳои сиёсӣ ба 17 соли зиндони сангин маҳкум гардид.
Созмони Ҷавонон барои эҳёи Тоҷикистон ба ин амал як нақзи ошкори ҳуқуқи инсон ва акти террористӣ эътироф мекунад. Мо бар онем, ки ҳамаи ин рафторҳо бо дастури шахсии президенти Тоҷикистон Эмомалӣ Раҳмонов сурат гирифтаанд, ки барои саркӯби мухолифини сиёсӣ ва таъқиб кардани онҳо аз зӯроварӣ ва таҳдид истифода мекунад.
Мо, аз ҷомеаи байналмилалӣ, созмонҳои ҳуқуқи инсон ва сохторҳои ҷаҳонӣ, тақозо дорем, ки барои озодии Максуд Иброҳимов иқдомҳои фаврӣ анҷом диҳанд. Созмони Милали Муттаҳид дар қарорҳои худ таъкид кардааст, ки таъқиби сиёсии мухолифон, мухолифи принсипҳои ҳуқуқи байналмилалӣ аст. Аз ин рӯ, боздошт ва маҳкум кардани Максуд Иброҳимов нақзи чунин стандартҳо мебошад.
Мо мехоҳем, ки ҷомеаи ҷаҳонӣ барои раҳоии ӯ талош намояд, зеро ин амал на танҳо як зарурати ҳуқуқист, балки қадами муҳим дар роҳи ҳифзи ҳуқуқи инсон ва озодиҳои сиёсӣ дар минтақа мебошад.
Бо эҳтиром,
Созмони Ҷавонон барои эҳёи Тоҷикистон
Лондон, Британияи Кабир
