Имрӯз зодрӯзи яке аз бародарони мӯҳтарам ва ҳамсафони содиқам аст. Мутаассифона, имсол ӯ рӯзи махсуси худро пушти деворҳои зулм таҷлил мекунад. Аммо рӯҳи муқовимати ӯ ҳеҷ гоҳ нашикастааст.
Раҳматҷон Маҳмадҷон ҷавони далер ва боҳиммат, яке аз фарзандони намоёни миллати тоҷик ба шумор меравад. Ӯ дар синни ҳамагӣ 23-солагӣ бо иродаи қавӣ вориди арсаи сиёсӣ шуд, то барои адолат ва ҳақиқат мубориза барад. Ба вуҷуди душвориҳои зиёд, ӯ устувор монд. Соли 2021, режими худкомаи Эмомалӣ Раҳмон, бо вайрон кардани қонунҳои байналмилалӣ, ӯро аз Федератсияи Русия рабуда, бо зӯр ба Тоҷикистон интиқол дод ва ба нобаробарӣ ӯро ба 20 соли маҳрумият аз озодӣ маҳкум кард.
Мо хиёнати мақомоти Русия ва ҳаммаслакони онҳоро дар рабудани Раҳматҷон ҳеҷ гоҳ фаромӯш нахоҳем кард. Рӯзе хоҳад расид, ки ҳамаи онҳо, ки барои чунин амали ғайриқонунӣ масъуланд, ба ҷавобгарӣ кашида хоҳанд шуд.
Бародари азиз, бо эҳтироми самимона ва сидқан туро бо рӯзи зодрӯзат табрик мегӯям. Ман аз Худованди Мутаъол дуо мекунам, ки ту ба зудӣ аз чанги зулм озод шуда, саодат ва оромии ҳақиқиро пайдо кунӣ.
Зодрӯз муборак!
Бо эҳтиром,
Убайдулло Саидӣ
