Бо самимият ва эҳтироми зиёд ин рӯзи хосро ба Шумо табрик мегӯем. Орзу дорем, ки ҳар лаҳзаи зиндагиятон пур аз саломатӣ, нерӯи рӯҳ ва баракат бошад. Худованд шуморо аз асорати ноодилона озод карда, бо саломатии комил ба назди хонаводаатон баргардонад.
Мақсуд Иброҳимов дар лаҳзаҳои душвор ва таҳти фишорҳои сахти иҷтимоӣ, ки ҷомеаи Тоҷикистон аз идомаи ҳукумати худкома ва фасодзадаи Эмомалӣ Раҳмон ранҷ мебурд, роҳи худро интихоб намуд. Вай бо ташкили созмони “Ҷавонони Тоҷикистон барои эҳёи Тоҷикистон” ва ҳамкории наздик бо “Гурӯҳи 24” таҳти роҳбарии Умаралӣ Қувватов муборизаро алайҳи низоми Раҳмонов оғоз намуд. Ҳадафи асосии Иброҳимов ва аъзои созмон дифоъ аз ҳуқуқи муҳоҷирони меҳнатӣ ва шаҳрвандони тоҷик буд — на танҳо барои беҳбуди шароити зиндагии онҳо, балки барои ҳимояи ҳуқуқҳои инсонӣ ва адолати иҷтимоӣ, ки зери ҳукумати худкома поймол мешуд.
Иброҳимов ормон дошт, ки адолат барқарор шавад, фасод аз байн равад, ҳуқуқҳои шаҳрвандон дар Тоҷикистон ҳифз гарданд ва як давлати демократӣ ва озод таъсис ёбад, ки муҳоҷирати иҷбориро коҳиш диҳад. Ӯ бар ин бовар буд, ки ҳукумат бояд бо мардумаш содиқона муносибат намояд ва барои ҷавонон, муҳоҷирон ва хонаводаҳои тоҷик шароити муносиби зиндагӣ фароҳам оварад. Ба ҳамин хотир, Иброҳимов бо роҳандозии фаъолиятҳои сиёсӣ, гирдиҳамоӣ ва вохӯриҳо дар шаҳрҳои Русия кӯшид муҳоҷирони тоҷикро ба ҳам муттаҳид созад ва онҳоро барои дастгирии якдигар дар ин роҳи мубориза ташвиқ кунад.
Бо мақсади ҷалби диққати ҷомеаи ҷаҳонӣ ва муҳоҷирони тоҷик ба вазъи бади Тоҷикистон, Иброҳимов ва дигар аъзои созмон дар шаҳрҳои Русия, аз ҷумла Маскав, Санкт-Петербург, Самара, Екатеринбург, Новосибирск ва Кемерово, гирдиҳамоиҳо баргузор карданд. Дар ин мулоқотҳо бо муҳоҷирони тоҷик, ки аз мушкилоти корӣ ва нобаробариҳои иҷтимоӣ ранҷ мебурданд, дар бораи ҳадафҳои созмон ва роҳҳои расидан ба озодӣ ва адолат сухан ронданд.
Бо вуҷуди кӯшишҳои созмон барои сабти ном шудан дар Русия, дархости онҳо рад шуд, натиҷаи фишорҳои ҳукумати Тоҷикистон, ки намехост фаъолияти мухолифин ва интиқодҳо дар хориҷ аз кишвар сурат гирад. Мақомоти Тоҷикистон бо роҳҳои гуногун кӯшиш карданд, садои Иброҳимов ва дигар фаъолонро хомӯш созанд ва барои ин ҳадди таъқиб ва фишорро ба ҳадди аъло расонданд. Ин фишорҳо дар ниҳоят ба суиқасд ба ҷони Иброҳимов ва пас аз он ба рабудани ӯ аз Русия ва ба 17 сол ҳабс дар Тоҷикистон анҷомид.
Бо вуҷуди ҳамаи ин, Иброҳимов барои аъзои созмон ва ҷавонони тоҷик рамзи муқовимат ва мубориза барои адолат ва озодӣ боқӣ монд. Суханҳои илҳомбахшаш ба ҷавонон, ки “Як нафарро шикастан осон аст, вале иттиҳоди мо—пирӯзии мост,” муҳоҷиронро ба муттаҳидӣ ва мубориза барои озодӣ ташвиқ намуд.
Муборизаи ӯ барои истиқлолияти фикрӣ ва иҷтимоии Тоҷикистон имрӯз барои насли ҷавон ва муҳоҷирон намунаи рӯҳбаландкунанда аст. Ҳарчанд фишорҳо зиёданд, аъзои созмон ва дигар фаъолони мухолиф қасд доранд роҳи ӯро идома диҳанд ва барои расидан ба ҳадафҳои демократикунонии Тоҷикистон талош кунанд.
Зодрӯзатон муборак бод, Мақсуд Иброҳимов!
Бо эҳтиром,
Созмони Ҷавонони барои эҳёи Тоҷикистон
